काठमाडौं । भारत भ्रमणमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेले मंगलबार भारतका विदेशमन्त्री एस जयशंकरसँग भेटवार्ता गरेका छन्।
भेटमा नेपाल–भारत द्विपक्षीय सम्बन्धका विषयमा छलफल भएको बताइएको छ । भारतीय विदेशमन्त्री जयसंकरले प्रतिक्रिया दिँदै भनेका छन्, ‘रास्वपा सभापति रवि लामिछानेसँगको भेटवार्ता फलदायो रह्यो।’ वर्ता विकास र दुई देशबीचको जनता–जनताबीचको सम्बन्ध केन्द्रित रहेको उनले जनाए।
भेटवार्तामा नेपाली प्रतिनिधिमण्डलका अन्य सदस्य पनि सहभागी थिए। विदेशमन्त्री जयशंकरसँगको भेटमा दुई देशका राजनीतिक दलहरुबीचको सम्बन्ध र क्षेत्रीय हितका विषयमा समेत कुराकानी भएको थियो।
पाँच दिने भारत भ्रमणको क्रममा दिल्लीमा रहेका लामिछानेले मंगलबार बिहान बीजेपी शीर्ष नेताहरुसँग भेटवार्ता गरेका थिए।
