काठमाडौं, भदौ १० । नेपाली सेनाको एआई-१७ हेलिकप्टर मेडिकल टिम बोकेर काठमाडौंबाट रसुवाको बाढी प्रभावित क्षेत्रतर्फ उडेको छ ।
नेपाली सेनाका प्रवक्ता तथा सहायक रथी राजाराम बस्नेतका अनुसार सेनाको इमर्जेन्सी मेडिकल रेस्क्यु टिम ९ईएमआरटी० बोकेर हेलिकप्टर जिल्ला अस्पताल त्रिशूलीतर्फ उडेको छ ।
धुन्चे र त्रिशूलीबाट उद्धारको टोली पनि परिचालित भएको छ । यसअघि सेनाका दुई हेलिकप्टर बाढी प्रभावित क्षेत्रमा खटिसकेका थिए ।
आज बिहान तिब्बततर्फबाट रसुवाको भोटेकोशीमा आएको बाढीले ठूलो क्षति भएको छ । बाढी नुवाकोट हुँदै धादिङ पुगिसकेको छ ।
