काठमाडौं, असोज ६ । नेकपा एमालेका केन्द्रीय सदस्य ठाकुर गैरेले अध्यक्ष केपी शर्मा ओलीलाई महासचिव शंकर पोखरेललाई किन बैठक सञ्चालन गर्न नदिइएको भनेर प्रश्न सोधेका छन् ।
केन्द्रीय कमिटी बैठकको दोस्रो दिन गैरेले महासचिवलाई बैठक संचालन गर्न नदिँदा बाहिर नराम्रो सन्देश जाने बताउँदै ओलीलाई प्रश्न सोधेका हुन् ।
‘बैठक महासचिवलाई सञ्चालन गर्न किन नदिइएको हो । पार्टी मिलाएर लैजाने भन्नुहुन्छ, के सन्देश जान्छ यसबाट ? ’ अध्यक्ष ओलीलाई उनले प्रश्न गरेको एक नेताले जानकारी दिए ।
जवाफमा ओलीले बैठक चलाउने काम अध्यक्षकै भएको भन्दै महासचिवले नदिने बताए ।
उनले भने, ‘दसैँदेखि महासचिवले सघाउँदै आउनु भएको हो। बैठक चलाउने, समय तोक्ने काम अध्यक्षको हो। बैठकको नियन्त्रण गर्ने अध्यक्षको जिम्मा हो।’
