काठमाडौं, असोज ८ । डोल्पाको जुफाल एयरपोर्टमा सीता एयरको जहाज दुर्घटनामा परेको छ । बिहीबार बिहान ८ः२५ बजे अवतरणा क्रममा जहाजको एउटा पाङ्ग्रा खुस्किएर दुर्घटना भएको हो ।
डोल्पाका सहायक प्रमुख जिल्ला अधिकारी रामदत्त चौलागाईले नेपालगञ्जबाट डोल्पा गएको सीता एयरको जहाज दुर्घटनामा परेको बताए । उनका अनुसार पछाडितिरको दायाँतर्फको एउटा पाङ्ग्रा खुस्किएर जहाजमा सामान्य क्षति भएपनि सबै यात्रु सकुशल छन् ।
जहाजमा १३ जना यात्रु थिए । पुरुष ११ जना थिए । यात्रुमध्ये ७ जना विदेशी हुन् ।
