काठमाडौं । काठमाडौं महानगरपालिकामा स्वतन्त्र उम्मेदवार बालेन्द्र साह (बालेन)ले अग्रता फराकिलो बनाउँदै लगेका छन् । उनले निकट्तम प्रतिद्धन्दी नेकपा एमालेका केशव स्थापितलाई ८ हजार भन्दा बढी मतले पछाडी पारेका छन् ।
अहिलेसम्म महानगरको ४३ हजार ६४८ मतगणना भएको छ । जसमा बालेनले १७ हजार ३१ मत पाएका छन् । स्थापितले ८ हजार ८७६ मत पाएका छन् । उनीहरुबीचको मत अन्तर ८ हजार १ सय १५ छ । तेस्रो स्थानमा रहेर नेपाली कांग्रेसकी सिर्जना सिंहले स्थापितलाई पछ्याइरहेकी छन् ।
सिंहले ७ हजार ९४१ मत पाएकी छन् । सिर्जना सिंह एमालेका केशव स्थापितभन्दा ९३५ मतले र बालेन भन्दा ९ हजार ९० मतले पछाडि छन् । उपमेयरमा भने एमालेकी सुनिता डंगोलको फराकिलो अग्रता कायमै छ ।