काठमाडौं । धरान उपमहानगरपालिकामा मत गणना स्थगित भएको छ। वडा नं २० मा १८ वटा मतपत्रमा मतदान अधिकृतको हस्ताक्षर नभएको पाइएपछि मतगणना स्थगित भएको हो।
नेकपा माओवादी केन्द्रको ११, नेपाली कांग्रेसको ४ र नेकपा एमालेको ३ वटा गरी १८ वटा मतपत्रमा हस्ताक्षर नभएको पाइएपछि दलका कार्यकर्ताले विरोध र नाराबाजी गरेपछि मतगणना स्थगित भएको इलाका प्रहरी कार्यालय धरानले जनाएको छ ।
विरोध र नाराबाजीको कारण मतगणना अगाडी बढाउन नसकेकाले अहिले धरानको सबै वडाको मतगणना स्थगित भएको सहायक निर्वाचन अधिकृत गणेशप्रसाद खतिवडाले बताए।