काठमाडौं। सिट भागबन्डा गर्न विहान ८ बजे बस्ने भनिएको सत्ता गठबन्धनका शीर्ष नेताको बैठक तीन घन्टा पछि सरेको छ । बैठक अब ११ बजे प्रधानमन्त्रीको सरकारी निवास बालुवाटारमा बस्नेछ । समय घर्किदै गएपनि पाँच दलबीच सहमति हुन सकेको छैन । कांग्रेसले १००,माओवादीले ६० ,एकीकृत समाजवादीले ४० र जसपाले ४० सिट दाबी गरेकोले कुरा मिलेको छैन । उपेन्द्र असन्तुष्ट सिट भागबन्डामा जसपा अध्यक्ष उपेन्द्र यादव असन्तुष्ट बन्दै गएका छ्न । उनी शनिवार शीर्ष बैठकमा उपस्थित भएनन । पहिलेका बैठकमा सम्मानजनक नभए गठबन्धन छोड्ने बताएका यादवले शनिबार जनकपुरमा भएको कार्यक्रममा पनि यही चेतावनी दोहोर्‍याए । जसपालाइ कमजोर पार्ने षड्यन्त्र भैरहेको भन्दै यादवले त्यो स्वीकार्य नहुने र आत्मघात हुने गरी गठबन्धनमा नबस्ने बताए ।