काठमाडौं । पूर्वमुख्यसचिव एवमु नेपाल कानुन समाजका अध्यक्ष तीर्थमान शाक्यको निधन भएको छ । ८१ वर्षका शाक्यको क्यान्सर रोगको उपचारका क्रममा बुधबार बिहान ग्वार्कोस्थित बिएण्डबी अस्पतालमा निधन भएको हो ।
उनी डेढ महिनाअघि मात्र भारतको दिल्लीमा स्वास्थ्य परीक्षण गरी स्वदेश फर्किका थिए । नेपालको कानुनको मस्यौदा कार्यमा उनको दख्खल थियो । उनी कानुन, न्याय तथा संसदीय मामिला मन्त्रालयको सचिवसमेत भए।
लोकसेवा आयोगको अध्यक्ष हुँदा उनको नेतृत्वमा पदपूर्ति प्रणालीमा सुधारका थुप्रै काम भएका थिए । शाक्यका दुई छोरी र दुई छोरा छन् भने श्रीमतीको करिब तीन महिनाअघि मात्र निधन भएको थियो ।
