काठमाडौं । इलाम क्षेत्र नम्बर २ को उपनिर्वाचनमा राष्ट्रिय स्वतन्त्र पार्टी (रास्वपा)को जमानत जफत भएको छ । निर्वाचन ऐन २०७४को व्यवस्था अनुसार कुल सदर मतको १० प्रतिशत मत पाउन नसकेपछि रास्वपाका उम्मेदवार मिलन लिम्बुको जमानत जफत भएको हो ।रास्वपाका उम्मेदवार लिम्बुले ५ हजार ५० मत मात्रै पाएका छन् उपनिर्वाचनमा खसेको ६९ हजार ३७४ मतमध्ये ६८ हजार ४७२ मत सदर भएको थियो । ९०२ मत बदर भएको थियो । तर मिलनले पाएको मत कूल सदर मतको १० प्रतिशत नपुगेपछी उनको जमानत (धरौटी) जफत भएको हो ।