काठमाडौं । नेकपा एमालेका नेता गोकुल बास्कोटा पार्टीका अर्का नेता शेरबहादुर तामाङमाथि खनिएका छन् ।
सामाजिक सञ्जालमार्फत बास्कोटाले तामाङविरुद्ध आक्रोश पोख्र्द २०३८ सालदेखिकै इतिहास पुनरावलोकन गर्न सुझाव चुनौती दिएका छन् ।
बास्कोटाले लेखेका छन्, ‘भन्न मन थिएन तर मेरो मत मैले राखेबापत उनको कोदोवारी फाँडेसरह शेरबहादुर तामाङजी म माथि सार्वजनिक रुपमा जाइलागेछन् । म तपाईं जस्तो फगत आफ्नो र श्रीमतीको पद प्राप्तिका लागि गुट बदल्ने मात्र होईन, पटकपटक पार्टी नै फुटाउन समेत पछि नपर्ने चरम अवसरवादी पात्र होइन । २०३८ यताका इतिहास हेरौँ न ।’
नेता शेरबहादुर तामाङले आफ्नो भूगोलमा मत जोगाउन नसक्नेहरुले नेतृत्वको राजीनामा माग्ने नैतिकता नहुने भन्दै एमाले नेतृत्वको आलोचनामा जवाफ दिँदा बास्कोटाले तामाङलाई जवाफ फर्काएका हुन् । तामाङ सिन्धुपाल्चोकका हुन् र बास्कोटा काभ्रेका । दुवै पूर्वमन्त्री हुन् ।
