काठमाडौं,कात्तिक १८ ।नेकपा एमाले अध्यक्ष केपी शर्मा ओलीले दानबहादुर कार्कीलाई पदबाट हटाएर डा. मनोज केसीलाई प्रहरी महानिरीक्षक बनाएको विषयमा संक्षिप्त प्रतिक्रिया दिएका छन् ।
पार्टी मुख्यालय च्यासलबाट बाहिरिने क्रममा सञ्चारकर्मीहरूसँग संक्षिप्त प्रतिक्रिया दिँदै आफूले अह्राएको काम गराउनको लागि सरकारले आईजीपी परिवर्तन गरेको प्रतिक्रिया दिए।
पत्रकारहरूले सोधेको प्रश्नमा ओलीले भने- उहाँहरूले अर्हाएको काम गर्छन् भनेर बनाएको होला ।’
मन्त्रिपरिषद्को बुधबारको बैठकले कार्कीलाई पदमुक्त गरी विशेष सल्लाहकार बनाउने निर्णय गरेको थियो । त्यसपछि उक्त स्थानमा मनोज केसीलाई नियुक्त गरिएको थियो ।
