काठमाडौं, कात्तिक ११। प्रहरी महानिरीक्षक (आईजीपी) दानबहादुर कार्कीले नीति समन्वय समिति (पीसीसी) बैठक बोलाएका छन्। प्रहरी प्रधान कार्यालयमा दिउँसो २ बजे बस्ने बैठकमा सातै प्रदेशका प्रहरी प्रमुख प्रहरी नायब महानिरीक्षक (डीआईजी) लाई पनि बोलाइएको छ।
बैठकमा काठमाडौँ उपत्यकाभित्रका प्रहरी वरिष्ठ उपरीक्षकहरू पनि सहभागी हुने भएका छन्। सामान्यतया उपत्यकाभित्रका डीआईजी र एआईजीलाई मात्रै पीसीसी बैठकमा बोलाउने गरिएको थियो।
तर यसपटक एसएसपी र उपत्यका बाहिरका डीआईजीलाई पनि बोलाइएको छ ।सरकारसँग पछिल्लो समय आईजीपी कार्कीको सम्बन्ध बिग्रिएको र प्रधानमन्त्रीले कार्कीलाई हटाउन चाहेका विषय सार्वजनिक भइरहेका बेला कार्कीले आकस्मिक पीसीसी बैठक बोलाएका हुन्।
