काठमाडौं, कात्तिक २७ । चितवन राइनोजको उत्कृष्ट स्पिन बलिङ सामु जनकपुर बोल्ट्स धराशायी भएको छ । कीर्तिपुरमा टस जितेर पहिले ब्याटिङ गर्ने निर्णय गरेको जनकपुर बोल्ट्स ८८ रनमै अलआउट भएको हो । जनकपुरका ब्याटरमाथि चितवनका स्पिनर हावी भए । चितवनका स्पिनरले ७ विकेट लिए ।
रन्जित कुमार र कप्तान सिकन्दर राजाले शानदार बलिङ गरेपछि जनकपुरको ब्याटिङ ध्वस्त भयो । चितवनका रञ्जितकुमारले ३ तथा सिकन्दर राजा र कमिल मिशाराले समान २ विकेट लिए । कमलसिंह ऐरी र रिजन ढकालले समान एक विकेट हात पारे ।
कप्तान हर्मित सिंहको संयमित ब्याटिङमा जनकपुरले पूरा २० ओभर ब्याटिङ गरेपनि ९ विकेट गुमाएर ८८ रन मात्र बनाउन सक्यो ।
जनकपुरका लागि सातौं नम्बरमा ब्याटिङ गरेका सिंहले सर्वाधिक २४ रन बनाउनु बाहेक अन्य खेलाडीले राम्रो प्रदर्शन गर्न सकेनन् । हर्मीतले २४ बल खेल्दै २ चौका र १ छक्का प्रहार गरे । यस्तै विशाल सुशलिङले १३ बल खेल्दै समान १ चौका र छक्का मद्दतमा १५ रन जोडे ।
१० बल खेलेका राहुल यादवले एक छक्का प्रहार गर्दै नटआउट १० रन जोडे । जनकपुरका सन्तोष कार्की १०, रायन बर्ल ६ तृतराज दास ५ रनमा आउट भए ।
आदित्य महताले २५ बल खेल्दा जम्मा ४ रन बनाए । अभिषेक तिवारी पनि ४ रनमा आउट भए । ललित राजवंशी २ रनमा नटआउट रहे ।
पाँचौ विकेटका लागि विशाल सुशलिङ र आदित्य महताले जाेडेकाे १८ रननै जनकपुरको इनिङ्समा सबैभन्दा ठूलो साझेदारी बन्यो ।
