काठमाडौं । काठमाडौं महानगरपालिकाले बालाजुको गोंगबु बसपार्क क्षेत्रका अवैध संरचना हटाउन सुरु गरेको छ ।
काठमाडौं महानगर प्रहरी प्रमुख राजु पाण्डेका अनुसार गोंगबु बसपार्क क्षेत्रका अवैध संरचना र फुटपाथ मिचेर बनाइका संरचना हटाउने काम भइरहेको छ ।
म्हेपीदेवीबाट मित्रनगर तर्फ जाने सडकमा अहिले महानगरले डोजर प्रयोग गरेर अवैध संरचनारु हटाइरहेको छ ।
महानगरले डोजर लगाएर अनधिकृत संरचना हटाएको हेर्न स्थानीयको भीड बढेपछि प्रहरीले बल प्रयोग गरेर क्षेत्र खाली गराएको छ । आइतबार कोटेश्वर क्षेत्रको अवैध संरचना हटाएको महानगरले सोमबार गोंगबु बसपार्क क्षेत्रका अनधिकृत संरचना हटाउन शुरु गरेको हो ।