काठमाडौं । महाभियोग सिफारिस समितिले निलम्बित प्रधानन्यायाधीश चोलेन्द्रशमशेर जबरालाई महाभियोग लगाउन सिफारिस गरेको छ । ११ सदस्यीय समितिले बहुमतका आधारमा महाभियोग सिफारिस गरेको हो । सत्ता गठबन्धनका ६ जनाले सिफारिस पारित गरे भने एमालेका ४ र लोसपाका एक गरी ५ जनाले फरक मत राखेका छन । एमालेका तर्फबाट विष्णु पौडेलले फरक मत राखे । पौडेलले छानबिन नै पूरा नभएकोले प्रतिवेदन मान्न नसकिने बताए । महाभियोग सिफारिस सहितको प्रतिवेदन सभामुख अग्नि सापकोटालाई बुझाइंदैछ । आजै रातिदेखि संसदको कार्यकाल सकिने भएपछी हतारमै प्रतिवेदन बुझाउन लागीएको हो ।