काठमाडौं । हिन्दु नेपालीको महान चाड दशै शुरु भएसँगै बजारमा खसी, बोका र च्याङ्रग्रा किन्ने ग्राहकको भीड लागेको छ ।
सरकारी स्वामित्वको नेपाल खाद्य व्यवस्था तथा व्यापार कम्पनी लिमिटेडले पनि थापाथलीमा खसी, बोका र भेडा–च्याङग्राका बेचिरहेको छ । उपभोक्ताले रोजी रोजी खसी–बोका र च्याङ्ग्रा लगिरहेका छन् । कम्पनीले मकवानपुर तथा दाङ जिल्लाबाट खसी, बोका र रसुवाबाट च्याङ्ग्रा ल्याएको छ । कम्पनीले जिउँदो खसी प्रति किलो ६ सय ७० रुपैयाँ र च्याङ्ग्ग्रा प्रति किलो १ हजार दुई सय ५० रुपैयाँमा बिक्री वितरण गरिरहेको छ ।
ग्राहकको माग अनुसार संख्या बढाउँदै लैजाने नेपाल खाद्य व्यबस्था तथा व्यापार कम्पनी लिमिटेड बागमती प्रादेशिक प्रमुख ज्ञानु थापाले जानकारी दिए ।उनका अनुसार १६ सय ९ वटा खसी बोका ल्याई सकेको कम्पनीले २ हजार खसी बोका र १ हजार भेडा च्याङ्ग्रा थप ल्याउने तयारी गरिरहेको छ । असोज ३० गतेदेखि थालेको कम्पनीले नवमीका दिनसम्म खसी–बोका च्याङ्ग्रा बेच्नेछ ।