काठमाडौं । पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीले काठमाडौँको साँखु स्थित शालीनदी पुगेर श्रीस्वस्थानी तथा माधवनारायणको पूजा अर्चना गरेका छन् ।
आइतबार धर्मपत्नी राधिका शाक्यसहित साँखु शालीनदी पुगेका अध्यक्ष ओलीले श्रीस्वस्थानी र माधवनारायणको मन्दिरमा पूजा गरेका हुन् । ओलीले झन्डै आधा घण्टा पूजा गर्नुका साथै शालीनदी मेलाको अवलोकन गरे ।
अध्यक्ष ओलीलाई शंखरापुरको ऐतिहासिकता, धार्मिकस्थल तथा शालीनदीको बारेमा श्री माधवनारायण स्वस्थानी व्रत तथा शालिनदी सुधार समितिका अध्यक्ष बालकृष्ण श्रेष्ठले जानकारी गराएका थिए ।
