काठमाडौं । होली खेलेर नुहाउन सुनकोसी नदीमा जाँदा बेपत्ता भएका ३ जना बालबालिका खोज्दन सोमवार विहानैदेखि सशस्त्र प्रहरीको गोताखोर टिम परिचालन गरिएको छ ।
उदयपुरको त्रियुगा नगरपालिका १४ धाप्लाङघाटस्थित सुनकोसी नदीमा पौडी खेल्ने क्रममा आइतबार दिउँसो तीन बालबालिका बेपत्ता थिए ।
आइतबार अबेरसम्म खोजी गरिएकोमा नभेटेपछि आज बिहानबाट पुन: खोजी सुरू गरिएको हो ।साउनेबाट कोसीमा पौडी खेल्न गएका रुद्रबहादुर मगरकी छोरी १२ वर्षीया रेखा मगर, केदार मगरको ९ वर्षीय छोरा रिदम मगर र मेहरमान मगरको १२ वर्षीय छोरा लोकबहादुर बेपत्ता भएको जिल्ला प्रहरी कार्यालय उदयपुरले जनाएको छ । केही बालबालिकालाई भने हिजै जीवित उद्धार गरिएको थियो ।
