काठमाडौं । गायक राजेशपायल राईसहित ३ जना पक्राउ परेका छन् । मदिरा सेवन गरेर होहल्ला गरेको आरोपमा उनीहरुलाई गएराति पक्राउ गरिएको काठमाडौं प्रहरी परिसरका प्रवक्ता नवराज अधिकारीले बताए ।
मदन भण्डारी कलेज अगाडिबाट पक्राउ गरी राजेश पायल राई सहित तीन जनालाई प्रहरी वृत्त नयाँबानेश्वरमा राखिएको छ ।
गएराति काठमाडौं उपत्यकाभरबाट १७२ जनालाई प्रहरीले नियन्त्रणमा लिएको थियो । उनीहरुमध्ये धेरैजसोलाई आफन्तको जिम्मा लगाइएको छ ।गायक राईलाई पनि आफन्तको जिम्मा लगाउने प्रहरीको तयारी छ ।