मंगलबार, जेठ ८ गते २०८१
Logo
मंगलबार, जेठ ८ गते २०८१
images
images
Logo
images

सरकारबाट बाहिरिने चेतावनीपछि लुम्बिनीमा एकीकृत समाजवादीकी अधिकारी पनि मन्त्री नियुक्त

सरकारबाट बाहिरिने चेतावनीपछि लुम्बिनीमा एकीकृत समाजवादीकी अधिकारी पनि मन्त्री नियुक्त

साझा पोष्ट
बिहीबार , वैशाख ६ २०८१
  • images
    सरकारबाट बाहिरिने चेतावनीपछि लुम्बिनीमा एकीकृत समाजवादीकी अधिकारी पनि मन्त्री नियुक्त
    images

    वैशाख । ६ जना बिना विभागीय मन्त्री नियुक्त गरेको एक घण्टापनि नपुग्दै लुम्बिनी प्रदेशका मुख्यमन्त्री जोखबहादुर महराले नेकपा एकीकृत समाजवादीकी सांसद भगवती अधिकारीलाई पनि मन्त्री नियुक्त गरेका छन् ।

    images
    images


    बिहीबार बिहान एमालेका ४, नाउपा र स्वतन्त्र एक गरि ६ जनालाई महराले मन्त्री नियुक्त गरेका थिए । बिहानसम्म एकीकृत समाजवादीलाई तत्काल सरकारमा सामेल नगराउने पक्षमा रहेका महराले एकाएक मन्त्री नियुक्त गरेका हुन् । एकीकृत समाजवादीले समर्थन फिर्ता लिने चेतावनी दिएपछि  मुख्यमन्त्री महरा गलेका हुन् । लुम्बिनीमा एकीकृत समाजवादीको एक सीट मात्र रहेको छ ।

    images
    images

    २२ चैतमा सत्ता गठबन्धनका चार दल एमाले, माओवादी केन्द्र, एकीकृत समाजवादी, जनता समाजवादी पार्टी र स्वतन्त्र सांसद खड्ग बस्नेतबीच ७ बुँदे सहमतिमा जनता समाजवादी पार्टीलाई दुई तथा नेकपा एकीकृत समाजवादी र एक स्वतन्त्र सांसदलाई एक–एक मन्त्रालय दिने सहमति थियो । स्वतन्त्र सांसदलाई मन्त्री बनाउँदा मुख्यमन्त्री महराले एकीकृत समाजवादीलाई उपेक्षा गरे । सहमति अनुसार एकीकृत समाजवादीले मन्त्री नपाएको भन्दै प्रदेश सांसद अधिकारीले मुख्यमन्त्री महराप्रति रोष व्यक्त गर्दै अब मुख्यमन्त्री र सरकारलाई साथ दिन नसकिने बताइन् ।

    सरकारका प्रवक्तासमेत रहेका माओवादी नेता दीपेन्द्र पुनले एकीकृत समाजवादीलाई सरकारमा सहभागी गराउनेबारे निर्णय नभएको पत्रकारहरुलाई प्रतिक्रिया दिए । तर त्यसको एक घण्टा नबित्दै मुख्यमन्त्री तथा मन्त्रिपरिषद कार्यालयबाट नेकपा एकीकृत समाजवादीकी अधिकारीलाई पनि विना विभागीय मन्त्री नियुक्त गर्दै अर्को सूची सार्वजनिक भयो ।

    चार दलबीच सहमति भइसकेको अवस्थामा नागरिक उन्मुक्ति पार्टीलाई पनि गठबन्धनमा मिसाएर आफ्नो दललाई हेपिएको एकीकृत समाजवादीकी सांसद अधिकारीले बताइन् । तयसपछि उनको नियुक्ति भयो । नवनियुक्त बिना विभागीय मन्त्रीहरुको शपथ आजै साँझ ५ बजेका लागि तय गरिएको छ ।

    प्रतिक्रिया हरु
    साताको लोकप्रीय
    थप समाचार