काठमाडौं । एसीसी इमर्जिङ टिम्स एसिया कपमा सहभागीताका लागि नेपालले आज हङकङसँग प्रतिस्पर्धा गर्दैछ । खेल सवा ४ बजे सुरु हुनेछ ।
ओमानमा जारी एसीसी प्रिमियर कपको सेमिफाइनलमा यूएईसँग हारेपछि नेपालले इमर्जिङ टिम्स एसिया कपका लागि हङकङसँग खेल्न लागेको हो ।
पहिलो, दोस्रो र तेस्रो हुने टिमले मात्रै इमर्जिङ टिम्स कप खेल्न पाउने भएकोले नेपालले हङकङलाई हराउनै पर्नेछ ।
घरेलु टोली ओमान र यूएई भने प्रिमियर कपको फाइनल प्रवेशसँगै स्वतः इमर्जिङ टिम्स एसिया कपमा पुगिसकेका छन् ।
इमर्जिङ टिम्स एसिया कपमा भारत, पाकिस्तान, बंगलादेश, श्रीलंका र अफगानिस्तानको ए टोली हुनेछन् ।
