काठमाडौं । नेपालले ओमानमा जारी एसीसी प्रिमियर कपको तेस्रो स्थानका लागि भैरहेको प्रतिस्पर्धामा हङकङलाई १ सय ४० रनको लक्ष्य दिएको छ । ओमानमा टस जितेर ब्याटिङ गरेको नेपालले निर्धारित २० ओभरमा ८ विकेट गुमाएर १३९ रन बनायो । नेपालका लागि दीपेन्द्रसिंह ऐरीले सर्वाधिक ४४ रन बनाए । २९ बलको सामना गरेका ऐरीले तीन छक्का र चार चौका हाने । ऐरीले अन्तिम ओभरमा एजाज खानलाई २० रन प्रहार गरे । सन्दीप जोराले २२, कप्तान रोहित पौडेलले २१, कुशल मल्लले १३, सोमपाल कामीले १२ रन बनाए ।
नेपालले आफ्नो खराब ब्याटिङलाई निरन्तरता दिँदै निकै खराब खेल्यो । कुशल भूर्तेल र आशिफ शेख आज पनि असफल भए । कुशल आज पनि खाता नै नखोली आउट भए । कुशल मल्लले पनि खराब प्रदर्शनमा सुधार गर्न सकेनन् । ३२ रनमा तीन विकेट गुमाएको नेपालले ५० रन चौथो, ७४ रनमा पाँचौं, ८७ रनमा छैटौं र सातौ विकेट गुमाएको थियो । थप ११ रन जोड्दा नेपालले आठौं विकेट गुमायो । तर दीपेन्द्र सिंह ऐरीले नेपालका लागि फाईट गर्दै आक्रामक फिनिस गरे । । आजको खेल जित्ने टिमले इमर्जिङ टिम्स कप खेल्न पाउनेछ ।
हङकङका आयुश शुक्लाले ३ ओभरमा १७ रन खर्चेर ३ विकेट लिए । अतिक इकबाल, यासिम मुर्तजा र एहसान खानले १–१ विकेट लिए ।
