काठमाडौं । कतारका अमिर (राजा) नेपाल आउँदा भोलि मंगलबार सरकारले सार्वजनिक बिदा दिएको छ ।
सोमबार बसेको मन्त्रिपरिषद बैठकले सार्वजनिक बिदा दिने निर्णय गरेको सरकारकी प्रवक्ता सञ्चार तथा सूचना प्रविधिमन्त्री रेखा शर्माले जानकारी दिइन् ।
कतारका अमिर (राजा) शेख तमिम बिन हमाद अल थानी दुई दिने नेपाल भ्रमणका लागि मंगलबार नेपाल आउँदैछन् ।
बिदेशी राष्ट्र प्रमुख नेपाल भ्रमणमा आउँदा यसअघि पनि सरकारले सार्वजनिक बिदा दिने गरेको थियो ।सोमवार मात्रै परराष्ट्र मन्त्रालयले कतारी अमिर नेपाल भ्रमणमा आउन लागेको औपचारिक घोषणा गरेको थियो ।