काठमाडौं । कतारका राजा शेख तामिम विन हमद अल थानी नेपाल आउँदा राष्ट्रपति रामचन्द्र पौडेलले स्वागत गर्ने भएका छन् । त्रिभुवन विमानस्थलमा राष्ट्रपतिले कतारी राजालाई स्वागत गर्ने परराष्ट्र मन्त्रालयले जनाएको छ ।

मंगलबार नेपाल भ्रमणमा आउने कतारी राजा साँझ ५ः३५ मा काठमाडौं ओर्लने छन् । उनलाई विमानस्थलमै पुगेर राष्ट्रपति पौडेलले स्वागत गर्ने तय भएको हो । कतारी राजा नेपाल आउँदा भोलि सरकारले सार्वजनिक बिदा दिएको छ । कतारी राजा पहिलो पटक नेपाल आउँछैन् ।