जनकपुरधाम । धनुषाको औरही गाउँपालिका–१ पौडेसरमा प्रहरी र स्थानीय बासिन्दाबीच झडप भएको छ । प्रेम सम्बन्धको विषयलाई लिएर दुई समूहबीच उत्पन्न विवादमा झडप भएको हो ।
एक समूहले सडक अवरुद्ध गर्दै प्रदर्शन गरेपछि प्रहरीले बल प्रयोग गरेर खुलाउने प्रयास गर्दा झडप भएको प्रहरीले जनाएको छ । स्थिति नियन्त्रणमा लिन ७ सेल अश्रुग्यास प्रहार गर्नु परेको धनुषाका प्रहरी प्रवक्ता डीएसपी रञ्जन अवाले बताए ।