काठमाडौं । अमेरिकाको भर्जिनियास्थित फेयरफ्याक्स काउन्टीमा श्रीमती र छोरीको हत्या गर्ने एक नेपालीको प्रहरीको गोली लागि मृत्यु भएको छ ।
सोमबार मान्टुआ नजिकैको एउटा अपार्टमेन्टभित्र आफ्ना तीन जना परिवारका सदस्यहरूलाई क्रुरतापूर्वक खुँडा प्रहार गर्ने छत्रबहादुर थापालाई फेयरफ्याक्स काउन्टी प्रहरीले गोली हानेर मारेको हो ।
नेपाली भाषाको समाचार पोर्टल खसोखास डट कमका अनुसार थापाकी श्रीमती ५१ वर्षीय बिन्दा थापा र छोरी ३१ वर्षीय ममता थापाको मृत्यु भएको छ । थापाका ३५ वर्षीय ज्वाइँ सन्तोषकुमार बस्नेत घाईते छन् । ज्वाइँलाई आक्रमण गरिरहेका बेला प्रहरीले छत्रबहादुरलाई गोली हानेको हो ।
