काठमाडौं, १९ असोज । आइएमई ग्रुप सिनर्जी कपको उपाधि स्वीफ्ट टेक्नोलोजीले जितेको छ । काठमाडौं धन्वन्तरी फुटसल मैदानमा भएकाे खेलमा आइएमई वारिएरलाइ ५–१ को फराकिलो अन्तरले हराउँदै खेलमा स्वीफ्ट टेक्नोलोजीले उपाधि जितेकाे हाे ।
स्वीफ्ट टेक्नोलोजीले एक लाख नगद प्राप्त गर्याे । आइएमई वारिएरले ५० हजार प्राप्त गर्यो । यसअघि प्रतियोगिताको उद्घाटन शत्रलाई सम्बोधन गर्दै आइएमई ग्रुपका संस्थापक अध्यक्ष चन्द्रप्रसाद ढकालले आइएमई ग्रुपको आयोजनामा भएको यो खेलले ग्रुपका प्रत्येक कर्मचारीबीच सौहार्दता कायम गर्न मद्दत पुग्ने विश्वास व्यक्त गरे ।
त्यस्तै, कार्यक्रममा ट्रफी हस्तान्तरण गर्दै आइएमई लिमिटेडका अध्यक्ष हेमराज ढकालले खेलमा सहभागी प्रत्येक समूहले उत्तिकै शानदार प्रदर्शन गरेको बताए । उनले आगामी वर्षको खेलका लागि थप ऊर्जाका साथ सहभागिता जनाउन प्रत्येक समूहलाई शुभकामना पनि दिए ।
