काठमाडौं, असोज २८ । भारतको बिहारमा गंगा नदीमा डुंगा पल्टिँदा कम्तीमा १३ बालबालिकाको मृत्यु भएको छ ।
वैशाली जिल्लाको राघोपुर क्षेत्रमा मंगलबार राति भएको दुर्घटनामा डुंगामा सवार सात जनाको उद्धार गरिएको बीबीसीले जनाएको छ ।
स्थानीय बासिन्दाहरू भोजमा सहभागी हुन अर्को गाउँ जाने क्रममा दुर्घटना भएको हो । वैशालीकी जिल्ला अधिकारी वर्षा सिंहका अनुसार उद्धारका क्रममा उद्धारका क्रममा १३ जनाको शव फेला परेको हो ।
घाईतेलाई अस्पताल पठाइएको छ । डुंगामा सवार सबै बालबालिकाको उमेर १५ वर्ष वा सोभन्दा कम रहेको उनले बताइन् ।
