काठमाडौं, कात्तिक १९ । नेपाल प्रिमियर लिग (एनपिएल) आज साविक विजेता लुम्बिनी लायन्स र पहिलो संस्करणको विजेता जनकपुर बोल्ट्सबिच खेल हुँदैछ ।
कीर्तिपुरमा टस जितेर जनकपुरले बलिङ रोजेको छ। लुम्बिनीले पहिला ब्याटिङ गर्नेछ।
साविक विजेता लुम्बिनी यो सिजनको एक मात्रअपराजित टोली हो । ३ खेलमा २ खेल जितेको लुम्बिनीको चितवन राइनोजसँगको खेल भने वर्षाका कारण रद्द भएको थियो।
यसपटक लुम्बिनीले पहिलो खेलमा सुदूरपश्चिम रोयल्सलाई ७ विकेट र तेस्रो खेलमा पोखरा एभेन्जर्सलाई ८ विकेटले हराएको थियो।
पहिलो संस्करणको विजेता जनकपुरले ४ खेलमा समान २ जित र हार बेहोरेको थियो। पहिलो खेलमा कर्णाली याक्ससँग १९ रनले हारेको थियो । त्यसपछि लगातार २ खेल जितेको जनकपुर पछिल्लो खेलमा विराटनगर किंग्ससँग २ रनले पराजित भएको थियो ।
जनकपुरले दोस्रो खेलमा काठमाडौं गोर्खाजलाई ८ विकेट र पोखरालाई ९ रनले हराएको थियो। आजै दोस्रो खेल काठमाडौं गोर्खाज र विराटनगर किंग्सबिच हुनेछ ।
