काठमाडौं, कात्तिक २२ । सुनसरीको इटहरी उपमहानगरपालिका-१३ गणेश पेट्रोल पम्प नजिक गएराति ट्रकको टक्करबाट मोटरसाइकलमा सवार २ जनाको मृत्यु भएको छ । उनीहरूको पहिचान अझै खुलेको छैन।
जिल्ला प्रहरी कार्यालय सुनसरीका डीएसपी चन्द्र खड्काका अनुसार कोशी लोकमार्गमा उत्तरबाट दक्षिणतर्फ जाँदै गरेको प्रदेश १-०४ ००१ ख ०००८ नम्बरको ट्रकले विपरीत दिशाबाट आउँदै गरेको बागमती प्रदेश ०२-०२५ प ३१३६ नम्बरको मोटरसाइकललाई गए राति पौने १२ बजे ठक्कर दिएको थियो ।
दुर्घटनामा गम्भीर घाइते भएका उनीहरूलाई तत्काल उद्धार गरी उपचारका लागि कोसी अस्पताल, विराटनगर पठाएकोमा अस्पताल पुर्याउनासाथ राति १२:११ बजे डाक्टरले मृत घोषणा गरेका थिए।
मृतक दुवै जना अन्दाजी ३०–३५ वर्षका पुरुष छन्। उनीहरूको पहिचानको प्रयास भइरहेको डीएसपी खड्काले जानकारी दपए। दुर्घटनामा संलग्न ट्रकका चालक फरार रहेकन छन्।
