काठमाडौं । इन्डियन प्रिमियर लिग अन्तर्गत गएराती भएको खेलमा यशस्वी जयसवालको कीर्तिमानी ब्याटिङ गरेपछि राजस्थान रोयल्सले कोलकाता नाइटराइडर्सलाई सहजै जितेको छ ।
राजस्थानले १५० रनको मध्यम लक्ष्य १४ औं ओभरमै भेट्दै कोलकातालाई ९ विकेटले हराएको हो ।
राजस्थानका लागि यशस्वी जयसवालले नटआउट ९८ र सन्जु सामसनले ४८ रन बनाए ।
पहिलो ओभरमै २६ रन बनाएका यशस्वीले १३ बलमै अर्धशतक पूरा गरे । आईपीएलमा यो सबैभन्दा छिटो अर्धशतक बनेको रेकर्ड हो ।
त्यसअघि टस हारेर पहिले ब्याटिङ गरेको कोलकाताले निर्धारित २० ओभरमा ८ विकेटको क्षतिमा १४९ रन बनाएको थियो ।
कोलकाताका लागि वेंकटेस ऐयरले सर्वाधिक ५७ रन बनाए भने नितिश राणाले २२ रन बटुले । बलिङतर्फ ट्रेन्ट बोल्टले २ विकेट लिए ।
