काठमाडौं । सनराईजर्स हैदराबादलाई हराउँदै लखनउ सुपर जायन्ट्स इन्डियन प्रिमियर लिग (आइपीएल) को प्लेअफ नजिक पुगेको छ ।
हैदराबादको घरेलु मैदान राजीव गान्धि क्रिकेट स्टेडियममा लखनउ ७ विकेटले विजयी भएको हो । जितसँगै बाह्र खेलमा ६ जित तथा ५ हारका साथ लखनउ १० टोली सहभागी लिगको चौथो स्थानमा उक्लिएको छ ।
हैदराबादले दिएको १ सय ८३ रनको लक्ष्य लखनउले १९ दशमलब २ ओभरमा ३ विकेट गुमाएर पूरा गर्यो । लखनउका लागि प्रेरक माकन्डले ४५ बलमा ७ चौका र २ छक्काको हान्दै नटआउट ६४ रनको योगदान गरे ।
निकोलस पुरनले १३ बलमा ३ चौका र ४ छक्काको सहयोगमा शानदार नटआउट ४४ रन जोडे ।
यस्तै मार्कस स्टोईनेसले २५ बलमा २ चौका र ३ छक्काको सहयोगमा ४० रन बनाए । क्वीन्टन डि ककले २९ रन जोडे । हैदराबादका लागि ग्लेन फिलिप्स,मंयक मारकन्डे र अभिषेक शर्माले समान १-१ विकेट लिए ।
त्यसअघि टस जितेर पहिले ब्याटिङ गरेको हैदराबादले निर्धारित २० ओभरमा ६ विकेट गुमाएर १ सय ८२ रन बनाएको थियो । हैदराबादका लागि हेनरिच क्लेसनले २९ बलमा ३ चौका र ३ छक्काको सहयोगमा सर्वाधिक ४७ रन बनाए । अनमोलप्रित सिंहले २७ बलमा ७ चौकाको सहयोगमा ३६र अब्दुल समादले ४० बलमा ५८ रन जोडे ।
कप्तान ऐडन माक्ररमले २० बलमा २ चौका र १ छक्काको सहयोगमा २८ रन बनाए । राहुल त्रिपाटीले १३ बलमा ४ चौकाको सहयोगमा २० रन बनाए । लखनउका लागि कप्तान कुर्नाल पान्ड्याले २ तथा अमित मिश्रा,यश ठाकुर,युधविर सिंह र आबेस खानले समान १-१ विकेट लिए । एघार खेलमा ४ जित तथा ७ हारका साथ हैदराबाद नवौं स्थानमा कायम छ ।
