काठमाडौं । सनराइजर्स हैदरावादले आईपीएल २०२४ मा पहिलो जित दर्ता गरेको छ । बुधवार राति सकिएको हाइस्कोर म्याचमा हैदरावादले मुम्बई इन्डियन्सलाई रनले पराजित गर्यो । पहिले ब्याटिंग गरी २ सय ७७ रनको कीर्तिमानी स्कोर खडा गरेको हैदरावादले मुम्बईलाई रनमा रोक्यो । मुम्बईको यो लगातार दोस्रो हार हो ।
हैदरावादले दिएको २ सय ७८ रनको लक्ष्य पछ्याएको मुम्बईले ५ विकेटको क्षतिमा २ सय ४६ रन मात्रै बनाउन सक्यो । उसका लागि सबैभन्दा धेरै तिलक बर्माले ३४ बलमा ६४ रन बनाए । उनले ६ छक्का र २ चौका हाने । यस्तै टिम डेविड ४२ रनमा नटआउट रहे । उनले ३ छक्का र २ चौका हाने । यस्तै ईशान किशनले १३ बलमा ४ छक्काको मद्दतले ३४, रोहित शर्माले १२ बलमा ३ छककासहित २६, नमन धीरले १४ बलमा ३०, हार्दिक पाण्ड्याले २० बलमा २४ रन बनाए । यस्तै रोमारियो सेफर्ड ६ बलमा १५ रन बनाएर नटआउट रहे । हारेपनि मुम्बईले २० छक्का र १२ चौका हान्यो ।
यसअघि घरेलु मैदानमा टस हारेर ब्याटिंग गरेको सनराइजर्स हैदरावादले आईपीएल क्रिकेटको इतिहासमा अहिलेसम्मकै सबैभन्दा ठूलो स्कोर खडा गर्यो । हैदरावादले २० ओभरमा २ सय ७७ रन बनायो । यसअघि यो कीर्तिमान रोयल च्यालेञ्जर्स बेंगलोरका नाममा थियो । आरसीबीले सन् २०१३ मा पुने वारियर्सविरुद्ध २ सय ६३ रन बनाएको थियो । तर ११ वर्षपछि हैदरावादले रेकर्ड तोड्यो ।
टस हारेर ब्याटिंग गरेको हैदरावादका ब्याटरले मुम्बईका बलरको धुलाई गरे । हैदरावादका लागि हेनरिक क्लासेनले ३४ बलमा नटआउट ८०, ऐडिन मारक्रमले २८ बलमा ४२ नटआउट रन जोडे ।
क्लासेनले ७ छक्का र ४ चौका हाने । यस्तै अभिसेक शर्माले आउट हुनु अघि २३ बलमा ७ छक्का र तीन चौकाको मद्दतले ६३ तथा टे«भिस हेडले २४ बलमा ६२ रन बनाए । उनले नौ चौका र तीन छक्का हाने । जसप्रित बुमराहसहित मुम्बईका सबै बलर महंगा सावित भए । मुम्बईका बलरले १८ छक्का र १९ चौका खाए ।
