काठमाडौं । सम्पत्ति शुद्धीकरणको मुद्दामा दोषी ठहर नेपाल ईन्जिनियरिङ कलेजका तत्कालीन अध्यक्ष लम्बोदर कुमार न्यौपानेलाई तीन वर्ष कैद र करिब २६ करोड रुपैयाँ जरिवाना भएको छ ।
विशेष अदालतका अध्यक्ष टेकनारायण कुँवर र न्यायाधीश रामबहादुर थापाको इजलासले आइतबार सजाय निर्धारण गर्दै न्यौपानेलाई १२ करोड ८४ लाख ८७ हजार ९५५ रुपैयाँ बिगो भराउने पनि फैसला गरेको छ ।
इजलासले बिगोको दोब्बर २५ करोड ६९ लाख ७५ हजार ९११ रुपैयाँ जरिवाना हुने सजाय सुनाएको हो ।