काठमाडौं । राष्ट्रिय खेलकुद परिषद् (राखेप) ले लामो समयदेखि नवीकरण नगरी सञ्चालन भइरहेका खेल संघलाई खारेजीको चेतावनी दिएको छ ।
परिषद्ले बिहीबार एक सार्वजनिक सूचना जारी गर्दै आगामी १५ असारभित्र नवीकरण प्रक्रिया पूरा गर्न निर्देशन दिएको हो ।
राष्ट्रिय खेलकुद विकास ऐन, २०७७ तथा नियमावली, २०७९ बमोजिम नवीकरण गर्न पटक पटक सूचना प्रकाशन गर्दा पनि हालसम्म कार्यान्वयन भएको भन्दै राखेपले १५ असारसम्मको समय दिएर सूचना निकालेकाे हो ।
तोकिएको समयभित्र नवीकरण नभएमा प्रचलित कानुन बमोजिम खारेजको प्रक्रिया अगाडि बढाइने राखेपले जनाएको छ ।
