काठमाडौं । टप अर्डरका ब्याटर डा.इशान पाण्डेले आज एकदिवसीय क्रिकेटमा डेब्यु गर्ने भएका छन्। उनले आइसिसी वल्ड कप लिग २ को सिरिज अन्तर्गत आज अमेरिकाविरुद्धको खेलमा उनले मौका पाएका छन् । उनले वान डाउन ब्याटिंग गर्नेछन् ।
टियु क्रिकेट स्टेडियममा टोलीका सिनियर खेलाडी करण केसीले इशानलाई डेब्यु क्याप दिए। पछिल्लो समय इशानले नेपाल ‘ए’ बाट उत्कृष्ट प्रदर्शन गरिरहेका थिए । उनले ओमान विरुद्धका दुई र स्कटल्याण्ड विरूद्धको एक खेलमा अर्धशतक बनाएका थिए।
राष्ट्रिय टि-ट्वेन्टी टिमबाट उनले सन् २०१९ मा सिंगापुरमा जिम्बाब्वेविरुद्ध डेब्यु गरेका थिए। टि-ट्वेन्टी आईमा उनले अहिले सम्म ४ खेल खेलेका छन्।
