काठमाडौं । श्रम संस्कृति पार्टीका अध्यक्ष हर्क साम्पाङ आज पनि संसद बहिष्कार गरेका छन् ।
सभामुख डोलप्रसाद अर्यालले प्रधानमन्त्रीलाई संसद बैठकमा बोलाउन रुलिङ गर्न अस्वीकार गरेपछि साम्पाङ बैठक बहिस्कार गरेर बाहिरिएका हुन् ।
साम्पाङले आज पनि वैठक सुरु हुनासाथ प्रधानमन्त्रीलाई जवाफदेही बनाउनुपर्ने भन्दै पर्चा देखाएका थिए । उनले सभामुखले रुलिङ गर्नुपर्ने माग गरेका थिए ।
तर जवाफमा सभामुख अर्यालले सभामुखले के विषयमा रुलिङ गर्ने र नगर्ने भनेर सिकाउनु नपर्ने जवाफ दिए । सभामुखले उचित लागेमा मात्रै आफूले कुनै विषयमा रुलिङ गर्ने बताए । त्यसपछि साम्पाङ रुष्ट भएर हिँडेका हुन् ।
