काठमाडौं,साउन २२ । विभिन्न सीमा नाकाबाट ५२६ जना रोहिंग्या नेपाल छिरेको पाइएको छ । नेपाल प्रहरीले गरेको अनुसन्धानमा कम्तिमा पनि ५२६ जना रोहिंग्या नेपाल छिरेको पाइएको हो ।
प्रहरी प्रधान कार्यालयमा शुक्रबार भएको पत्रकार भेटघाटमा प्रवक्ता अभिनारायण काफ्लेले यस्तो जानकारी दिएका हुन् । जसमध्ये १६२ पुरुष, १४८ महिला र बाँकी २१६ जना बालबालिका छन् । उनीहरु कपन, राममन्दिर र ललितपुरको सुनाकोठी क्षेत्रमा रहेको पाइएको छ ।
केही दिनअघि नेपाल प्रहरीका महानिरीक्षक दानबहादुर कार्कीले पनि रोहिंग्या नेपाल प्रवेश गरेको पाइएको बताएका थिए ।
