काठमाडौं,कात्तिक ५ । तेस्रो संस्करणको नेपाल प्रिमियर लिग (एनपीएल)को टिकट दर निर्धारण गरिएको छ ।
नेपाल क्रिकेट संघ (क्यान)ले लिग चरणका खेलका लागि ५ सय र एक हजार मूल्य ताेकेकाे हाे । साधारणतर्फ ५ सय र प्रिमियमतर्फ एक हजार तोकेको हो । यस्तै इलिमिनेटर तथा फाइनल खेलका लागि साधारणतर्फ एक हजार र प्रिमियमतर्फ दुई हजार कायम गरिएको छ ।
तेस्रो संस्करणको एनपीएलका लागि टिकट आज साँझ ८ बजेदेखि इसेवामार्फत खुला हुने क्यानले जनाएको छ । एनपीएल कात्तिक ९ देखि मंसिर ५ गतेसम्म हुनेछ ।
