काठमाडौं । भर्खरै सम्पन्न स्थानीय निर्वाचनमा ५ अर्बभन्दा बढी रकम खर्च भएको निर्वाचन आयोगले जनाएको छ । आयोगले आज पत्रकार सम्मेलन आयोजना गरी खर्च विवरण सार्वजनिक गरेको हो ।
आयोगका अनुसार निर्वाचनका निम्ति ८ अर्ब ११ करोड रुपैयाँ प्राप्त भएको थियो ।त्यसमध्ये ५ अर्ब ४ करोड ३ लाख ९२ हजार ८७० रुपैयाँ खर्च भएको आयोगका प्रवक्ता शालिकराम शर्मा पौडेलले जानकारी दिए ।
बचत भएको ३ अर्ब ०६ लाख ८६ हजार १२४ रुपैयाँ सरकारलाई फिर्ता गरिएको पनि उनले जानकारी दिए ।