काठमाडौं । नेपाल र टेस्ट टोली वेस्टइन्डिजको ए टोलीबीच आजदेखि पाँच म्याचको टी–२० सिरिज सुरु हुँदैछ ।
सिरिजको पहिलो खेल आज शनिबार त्रिवि क्रिकेट मैदान, कीर्तिपुरमा सवा १२ बजे सुरु हुनेछ ।नेपालले रोहित पोडेलको कप्तानीमा वेस्टइन्डिज एसँग खेल्न २० सदस्यीय टोली घोषणा गरेको छ ।
१६ जनाको टोलीमा शुक्रबारमात्रै क्यानले तीव्र गतिका कमलसिंह ऐरी, स्पिनर सागर ढकाल, युवा ब्याटर लोकेश बम र विकेटकिपर विनोद भण्डारीलाई टोलीमा थपेको हो ।
बिहीबार घोषित १६ सदस्य टोलीमा एसीसी प्रिमियर कप खेलेको टोलीमा आकाश चन्द र आरिफ शेखलाई मात्र थपिएको थियो ।अब २० जनाबाट आगामी जेठमा अमेरिका र वेस्टइन्डिजमा हुहेन टी–२० विश्वकप खेल्ने नेपाली टोलीको टुंगो लाग्नेछ ।
अन्तर्राष्ट्रिय क्रिकेट काउन्सिल (आईसीसी) ले टी-२० विश्वकपका लागि खेलाडीको नाम दर्ता गर्ने अन्तिम दिन १ मे लाई तोकेको छ । त्यो डेडलाइन अघि नेपालले वेष्टइन्डिज एविरुद्ध आज शनिबार र आइतबार दुई खेल खेल्नेछ । त्यसैले सुरुवाती दुई खेलमा प्रमुख खेलाडीलाई आराम दिएर अरुलाई मौका दिने संभावना छ ।