काठमाडौं । मुगुमा पहिरोमा परी ९ जना बेपत्ता भएका छन्। जिल्लाको छायाँनाथ रारा नगरपालिकामा गएको पहिरोमा परेर ९ जना वेपत्ता भएका प्रहरीले जनाएको छ । ८ झ्यारी गाउँका १० घर पहिरोले पूणर्रुपमा क्षति भएका छन्।
नगरपालिकाकै वडा नम्बर ७ टोप्ला गाउँमा पहिरोले घर भत्किँदा २५ भेडासहित लाखौँको धनमाल नष्ट भएको बताइएको छ। साथै पहिरोको उच्च जोखिम रहेकोले टोप्ला, सिगाडी र घुइर गाउँका अधिकांश बासिन्दा विस्थापित हुने अवस्थामा पुगेका छन्।
गमगढी बजारका कालिका मालिका मन्दिर नजिक करिव २० घर पहिरोको उच्च जोखिममा छन्। लगातारको वर्षापछि सञ्चार सम्पर्क हुन नसक्दा क्षतिको थप विवरण प्राप्त हुन नसकेको प्रहरीले जनाएको छ।