काठमाडौं । नेकपा एमालेका अध्यक्ष केपी शर्मा ओली र नेपाली कांग्रेसका नेता प्रकाशमान सिंहबीच भेटवार्ता भएको छ ।
प्रतिनिधिसभा र प्रदेशसभा सदस्य निर्वाचनको परिणाम आउनेक्रम जारी रहेका बेला कांग्रेस नेता सिंहले बालकोट पुगेर ओलीसँग भेटवार्ता गरेका हुन ।
भेटमा दुवै नेताले एकअर्कालाई बधाई दिएर समसामयिक राजनीतिक विषयमा छलफल गरेका छन् ।
नेता सिंहका स्वकीय सचिव यूपी लामिछानेले भेटपछिको तस्बिर सार्वजनिक गरेका छन् । उनले पहिले पनि भेट हुने गरेको र बधाइदिन बालकोट गएको बताए । तर राजनीतिक विषयहरुमा समेत छलफल भएको उनले बताए ।
ओली झापा–५ बाट छैटौँ पटक प्रतिनिधिसभा सदस्यमा निर्वाचित भएका छन् भने सिंह काठमाडौं–१ बाट चौथोपटक निर्वाचित भएका छन् ।
पार्टीमा संसदीय दलको नेतामा प्रतिस्पर्धाको तयारी गर्ने बताइरहेका नेता सिंहले चुनावी परिणाम आइनसक्दै एमाले अध्यक्ष ओलीसँग भेटवार्ता गरेका छन् ।