काठमाडौं । कुवेतलाई हराउँदै नेपाल एसीसी प्रिमियर कप क्रिकेटको फाईनल प्रवेश गरेको छ । अब नेपालले उपाधिका लागि सोमवार कीर्तिपुरमा युएईसँग खेल्नेछ ।
फाईनलमा दर्शकको उपस्थिति कस्तो होला शनिवार सेमिफाईनलमा भएको उपस्थितिले प्रष्ट पार्छ । कुवेतविरुद्धको खेलमा दर्शकको ठूलो उपस्थिति रह्यो ।
वर्षाका कारण दुई पटक खेल रोकिँदा पनि क्रिकेट प्रेमी अर्थात देशलाई माया गर्ने दर्शक टसमस नगरी पानीमै रुझेर भएपनि नतिजाको प्रतीक्षामा बसे । र, परिणाम उनीहरुले चाहे जस्तो आयो । जसरी दर्शक पानीमा भिजेरै भएपनि बसिरहेका थिए, खेलाडिले पनि जितपछि त्यसैगरी उनीहरुसँग खुशी साटे ।
तस्बिर: नेपाल क्रिकेट संघ (क्यान)
