विराटनगर । प्रधानममन्त्री प्रचण्डको शुक्रबारको प्रतिबद्धतासँगै मोरङको गोठगाँउमा ३०० शैयाको अस्पताल र विराटनगर रिङरोड निर्माणको काम यसै वर्ष सुरु हुने भएको छ ।
पूर्वाञ्चल विश्वविद्यालयको १२ औँ दीक्षान्त समारोहलाई शुक्रवार सम्बोधन गर्दै प्रधानमन्त्री प्रचण्डले पूर्वाञ्चल विश्वविद्यालय अन्तर्गत मेडिकल कलेज संचालन गर्न ३०० शैयाको अस्पताल र विराटनगर रिङरोड निर्माण योजनालाई बजेटमा समावेश गर्ने घोषणा गरेका हुन् ।
मोरङ जिल्ला निर्वाचन क्षेत्र ६ प्रदेशसभा १ का सांसद एवम् पूर्वमन्त्री जीवन आर्चायले चुनावका बेला विराटनगर क्षेत्रका मुहार फेर्न यो क्षेत्रमा महत्वाकांक्षी योजना अगाडि बढाउने वचन दिएका थिए । र, त्यसमा प्रधानमन्त्री पुष्पकमल दाहाल प्रचण्डले वाचा पुरा गर्ने बताएका थिए, त्यसै अनुसार अब काम अघि बढ्ने भन्दै सांसद आचार्यले खुशी व्यक्त गरेका छन् । सामाजिक सञ्जा मार्फत आचार्यले प्रधानमन्त्री धन्या दिएका छन् ।