एजेन्सी । इन्डियन प्रिमियर लिग क्रिकेट अन्तर्गत गएराती भएको खेलमा मुम्बई इन्डियन्सले रोयल च्यालेन्जर्स बेंगलोरलाई ६ विकेटले पराजित गरेको छ ।
मुम्बईका लागि सूर्य कुमार यादव र नेहाल वाडेराले उत्कृष्ट ब्याटिङ गरेपछि मुम्बईले २०० रनको लक्ष्य १६।३ भेटाएको हो ।
सूर्य कुमारले सर्वाधिक ८३ रन बनाए भने नेहालले अविजित ५२ रन बनाए ।
बेंगलोरका वानिन्दु हसरंगा र विजकुमार वैशाखले समान २ विकेट लिए ।
त्यसअघि टस हारेर पहिले ब्याटिङ गरेको बेंगलोरले निर्धारित २० ओभरमा ६ विकेट गुमाएर १९९ रन बनाएको थियो ।
बेंगलोरका लागि ग्लेन म्याक्सवेलले ६८ र कप्तान फाप डु प्लेसिसले ६५ रन बनाएका थिए ।
छैटौं जितपछि ११ खेलबाट १२ अंक जोडेर मुम्बई तेस्रो स्थानमा उक्लेको छ र प्लेअफमा पुग्ने सम्भावनालाई कायम राखेको छ । पराजित बेंगलोर ११ खेलबाट १० अंकसहित सातौं स्थानमा छ ।