काठमाडौं । सूर्य कुमार यादवको विष्फोटक शतक प्रहार गरेपछि मुम्बई इन्डियन्सले इन्डियन प्रिमियर लिग (आइपिएल) मा गुजरात टाइटन्सलाई २ सय १९ रनको विशाल लक्ष्य दिएको छ ।
घरेलु मैदान बानखेडे स्टेडियममा पहिले ब्याटिंग गरेको मुम्बईले निर्धारित २० ओभरमा ५ विकेट गुमाएर २ सय १८ रन बनायो ।
सूर्य कुमारले इनिङको अन्तिम बलमा छक्का प्रहार गर्दै शतक पूरा गर्दा मुम्बईले २० ओभरमा ५ विकेट गुमाउँदै २ सय १८ रन जोड्यो । आइपिएल करिअरको पहिलो शतक हान्ने क्रममा सूर्यकुमारले ४९ बलको सामना गर्दै ११ चौका र ६ छक्का प्रहार गरे । उनले ३२ बलमा अर्धशतक पूरा गरेका थिए ।
कप्तान रोहित शर्माले १८ बलमा ३ चौका र २ छक्काको मदतले २९, इशान किशनले २० बलमा ४ चौका र १ छक्का सहित ३१ रन जोडे ।
नेहाल वाधेराले ७ बलमा १ चौका र १ छक्कासहित १५ रन जोड्दा विष्णु विनोदले समान २ चौका र २ छक्कासहित २० बलमा ३० रन बनाए । राशिद खानले गुजरातका लागि ४ विकेट लिए । लक्ष्य पछ्याउँदै अहिले गुजरातले ब्याटिंग गरिरहेको छ ।