काठमाडौं – शनिबार रामेछापमा सम्पन्न तेस्रो नेपाल ग्रामीण चलचित्र महोत्सवमा ‘रित्तो गाउँ’ले उत्कृष्ट सर्ट फिल्म जुरी मेन्सन अवार्ड जितेको छ ।
कलरिस्ट राजेन्द्र मोक्तानले रित्तो गाउँको प्रतिनिधित्व गर्दै अवार्ड ग्रहण गरे । अवार्ड कार्यक्रममा जुरी प्रमुख दयाराम दाहालले फिल्म र निर्देशक रामजी ज्ञवालीको खुलेरै प्रशंसा गरे । देशको समसामयिक परिस्थितिमा निर्माण भएको यस फिल्मले जुरीको मात्रै होइन, उपस्थित २ हजार दर्शकको समेत मन जित्यो ।
महोत्सवका क्रममा रित्तो गाउँको दोस्रो भाग मात्रै देखाइएको थियो । पुर्ण फिल्म भने काठमाडौंमा आगामी बैशाख–१४ गते हुने विशेष शो मार्फत देखाउने निर्माण टिमको तयारी छ । त्रिभुवन विश्वविद्यालय र आनन्दराज प्रोडक्सनले संयुक्त रुपमा गरेको रिसर्चमा यो फिल्म निर्माण भएको छ ।