काठमाडौं । परिवारसहित नेपाल घुम्न आएका वलिउड अभिनेता विवेक ओबरोयले बिहीबार बिहान पशुपतिनाथ मन्दिरमा दर्शन गरेका छन् ।
बुधवार काठमाडौं आएको उनले आज बिहान सपरिवार पशुपति गएर उनीहरूले पूजाअर्चना गरे । विवेकले पशुपतिको दर्शन गर्ने धेरै पहिलादेखिको धोको बल्ल पूरा भएको भन्दै खुसी व्यक्त गरे ।
व्यवसायी पुनम यादवको पहलमा नेपाल आएका ओबरोय बुबाआमा, श्रीमती र छोराछोरीसहित विवेक बुधबार साँझ काठमाडौं उत्रिएका थिए ।
आजै चन्द्रागिरी जानेछन् । विवेक ओबरोयका बुबा सुरेश ओबरोय पनि चर्चित अभिनेता हुन् । नेपाल बस्दासम्म उनले सगरमाथा बेसक्याम्प, पोखरा, लुम्बिनीलगायतका ठाउँको भ्रमण पनि गर्दैछन् ।
