काठमाडौं ।मदन भण्डारी मेमोरियल कलेजले पूर्व क्याम्पस प्रमुख तथा शिक्षाविद् दिवंगत चैतन्य प्रसाद शर्मा सापकोटाप्रति श्रद्धाञ्जली अर्पण गरेको छ ।
शर्माको १३ औँ दिनको पुण्य तिथिमा कलेजमा श्रद्धाञ्जली सभा आयोजना गरिएको हो । सभामा क्याम्पस प्रमुख डा. बाबुराम अधिकारीले उनको शिक्षा क्षेत्रमा पुर्याएको योगदानको स्मरण गर्दै त्यो अतुलनीय रहेको बताए ।
शर्माको ७३ वर्षमा कात्तिक १५ गते उपचारका क्रममा निधन भएको थियो ।
त्रिभुवन विश्वविद्यालय सेवा आयोगका पूर्व अध्यक्ष समेत रहेका शर्माले उच्च माध्यमिक शिक्षा परिषद्को उपाध्यक्ष र नेपाल प्रगतिशील प्राध्यापक संगठनका संस्थापक महासचिवको रूपमा समेत कार्य गरेका थिए ।
श्रद्धाञ्जली सभामा कलेज परिवारका सदस्यहरूको उपस्थिति थियो ।
